( عزیز فیصل )

سو موٹو حُکم زن پہ دلاور ' بڑے بڑے
خود اپنے گھر میں قید ہیں لوفر' بڑے بڑے

پھرتے ہیں کُوے یار میں "چھوٹے میاں" کئی
ہاتھوں میں لے کے عشقیہ بینر ' بڑے بڑے

دل کے معاملات ہیں اب "آن لائنی" !
ہیں عشق ڈاٹ کام کے یوزر بڑے بڑے

سُسرال کے سمن پہ سبهی پیشیوں کے وقت
چُپ سادهتے رہے ہیں مقرّر بڑے بڑے

اِس چهوٹے منہ سے سُن کے جہازی فلاسفی
آتے ہیں سر میں زور کے چکّر بڑے بڑے !

لے کر چلے سٹورسے "ساشے" وہ چار پانچ
آئے جو لے کے ہاتھ میں شاپر بڑے بڑے

چھوٹی گلی میں گھوم کے دیکھا تو یہ کھلا
اس میں ٹریلروں کے تھے دفتر بڑے بڑے

کھا لو ملیریا کی دوائیں بہ وقتِ وصل
پھرتے ہیں پارکوں میں بھی مچّھر بڑے بڑے

( عزیز فیصل )